طريقة تحضير الرز الاوزي الفلسطيني مع ضلع الخروف

1٬411 مشاهدة مشاهدةآخر تحديث : الإثنين 15 أغسطس 2016 - 8:43 صباحًا
طريقة تحضير الرز الاوزي الفلسطيني مع ضلع الخروف

طريقة تحضير الرز الاوزي الفلسطيني مع ضلع الخروف

وصفة : أم ناصر 

الطريقة مع المقادير :

رز مبهر مع بازيلا ولحمة مفرومة

اول شي بقلي اللحمة المفرومة مع زيت نباتي وبتركها لتستوي وتنزل ميتها وتنشف بعدين بحط بهار مشكل وملح وفلفل اسود وبودرة بصل وبودرة تومة وهيل مطحون بعدين بحط بازيلا وجزر مفرز وبخليها بس مع اللحمة كم دقيقة بعدين بشيل اكتر من النص من اللحمة المفرومة على جنب وبعدين بنزل الرز على اللحمة والبازيلا اللي ضلت وبرجع بحط بهارات وفلفل اسود وقرنفل مطحون وقرفة وهيل مطحون وملح وماجي وبنزل المية وبخلي الرز ل يستوي بعدين عند التقديم بحط الرز وبخلي اللحمة المفرومة والبازيلا اللي شلتها اول على الوجه مع مكسرات

وصحتين وعافية

ضلعة الخروف بتبليها قبل بليلة بعلبة لبن صغيرة أصغر حجم وبهارات مشكله وفلفل اسود وبودرة بصل وبودرة تومة وملح وهيل مطحون وقرفة وقرنفل مطحون كله بتخلطيهم سوا وبتدهني فيهم اللحمة وبتعملي فيها فتحات وبتنزلي فيها من البهارات مع زيت زيتون وخل البلسمك خاص هاد للحوم والستيكات وخل عادي كله بفرك فيها اللحمة منيح منيح ومن عالجهتين وبتبلها من قبل بليلة كمان وتاني يوم بحطها بصينية وبحط آخرها مية وبحط فيها ورق غار وعود قرفة وبهارات حب وهال حب وبسلفرها وعالفرن وكل نص تقريبا أو ساعة الا بتفقدها ازا نشفت المي بزيد مي عليها وحسب حجم اللحمة بتاخد وقت بالفرن.

كلمات دليلية
رابط مختصر
2016-08-15 2016-08-15
أترك تعليقك
0 تعليق
*الاسم
*البريد الالكترونى
الحقول المطلوبة*

لن يتم نشر عنوان بريدك الإلكتروني.

شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

Mohammed
ArabicEnglishFrenchItalianSpanishTurkish